Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. hinc" ait "i [*]() gaudens: datur—aggredienda facultas!—
  2. ingentem recreare virum, teneamus adorti
  3. tendentes [*]() iam fila colos: ne fulminis atri
  4. sit metus: has ultro laudabit Iuppiter artes.
  5. nam neque plebeiam aut dextro sine numine cretam
  6. servo animam, atque adeo breviter, dum tecta subimus.
  7. expediam. genus ipse suis permissaque retro
  8. nobilitas: nec origo latet, sed luce sequente
  9. vincitur et magno gaudet cessisse nepoti.
  10. prima togae virtus illi quoque: clarus et ingens
  11. eloquio; mox innumeris exercita castris
  12. occiduas primasque domos et sole sub omni
  13. permeruit iurata manus nec in otia pacis
  14. permissum laxare animos ferrumque recingi.
  15. hunc Galatea vigens ausa est incessere bello
  16. —me quoque—perque novem timuit Pamphylia messes
  17. Pannoniusque ferox arcuque horrenda fugaci
    18. [*](pridem Dom.: precidem M. )[*](praecidens Housman: progressus M: praegressus s. )[*](ait, i Bursian: alti M. )[*](tendentes Markland: tendatis M. )
  18. Armenia et patiens Latii iam pontis Araxes.
  19. quid geminos fasces magnaeque iterata revolvam
  20. iura Asiae? velit illa quidem ter habere quaterque