Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. Dixerat, inveniunt positos iam segniter artus
  2. pugnantemque animam: ritu se cingit uterque
  3. Paconio monstrantque simul parentque volentes,
  4. donec letiferas vario medicamine pestes
  5. et suspecta mali ruperunt nubila somni.
  6. adiuvat ipse deos morboque valentior omni
  7. occupat auxilium, citius non arte refectus
  8. Telephus Haemonia, nec quae metuentis Atridae
  9. saeva Machaonio coierunt vulnera suco.
  10. Quis mihi tot coetus inter populique patrumque
  11. sit curae votique locus? tamen ardua testor
  12. sidera teque, pater vatum Thymbraee, quis omni
  13. luce mihi, quis nocte timor, dum postibus haerens
  14. assiduus nunc aure vigil nunc lumine cuncta
  15. aucupor 3; immensae veluti conexa carinae
  16. cumba minor, cum saevit hiems, pro parte furentis
  17. parva receptat aquas et eodem volvitur austro.
  18. Nectite nunc laetae candentia fila, sorores,
  19. nectite! nemo modum transmissi computet aevi:
  20. hic vitae natalis erit. tu Troica dignus