Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. et Lachesin putri vacuantem [*]() saecula penso.
  2. proicite arma manu: deus ecce furentibus obstat,
  3. ecce deus! miseri, quid pulchrum sanguine victo
  4. Aoniam et diri saturare navalia Cadmi?
  5. sed quid vana cano. quid fixos arceo casus?
  6. ibimus—’ hic presso gemuit semel ore sacerdos,
  7. illum iterum Capaneus: ‘tuus o furor auguret [*]() uni
  8. ista tibi, ut serves vacuos inglorius annos
  9. et tua non umquam Tyrrhenus tempora circum
  10. clangor eat. quid vota virum meliora moraris?
  11. scilicet ut vanis avibus natoque domoque
  12. et thalamis potiare iacens, sileamus inulti
  13. Tydeos egregii perfossum pectus et arma
  14. foederis abrupti? quodsi bella effera Graios
  15. ferre vetas, i Sidonios legatus ad hostes:
  16. haec pacem tibi serta dabunt, tua prorsus inani
  17. verba polo causas abstrusaque nomina [*]() rerum
  18. eliciunt? miseret superum, si carmina curae
    19. [*](metus P: nefas ω. )[*](vacuantem Pω: laxantem P margin. )[*](auguret Mueller augur et Pω. )[*](nomina P: semina ω, momina Baehrens. )
    v.1.p.500
  19. humanaeque preces! quid inertia pectora ferres?
  20. primus in orbe deos fecit timor! et tibi tuto