Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. hic nive Rhipaea, Libycis hic pastus harenis,
  2. bella cient: clamant amnes, freta, nubila, silvae,
  3. iamque patent strages; plangunt sua damna coloni,
  4. et tamen oppressos miserantur in aequore nautas,
  5. illas ut summo vidit pater altus Olympo
  6. incestare diem, trepidumque Hyperionis orbem
  7. subfundi maculis, torvo sic incohat ore:
  8. ‘vidimus armiferos, quo fas erat usque, furores,
  9. caelicolae, licitasque acies, etsi impia bella
  10. unus init aususque [*]() mea procumbere dextra,
  11. nunc par infandum miserisque incognita terris
  12. pugna subest: auferte oculos! absentibus ausint
  13. ista deis lateantque Iovem; sat funera mensae
  14. Tantaleae et sontes vidisse Lycaonis aras
  15. et festina polo ducentes astra Mycenas.
  16. nunc etiam turbanda dies: mala nubila, tellus,
    17. [*](aususque Pω: dignusque QG and (written over aususque) D.)
    v.2.p.400
  17. accipe, secedantque poli: stat parcere mundo
  18. caelitibusque [*]() meis; saltem ne virginis almae
  19. sidera, Ledaei videant neu talia fratres.’