Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. cum status urbis erit, qualem nunc auguror esse,
  2. et nullus populi contrahet ora dolor,
  3. cum domus Augusti, Capitoli more colenda,
  4. laeta, quod est et sit, plenaque pacis erit,
  5. tum tibi di faciant adeundi copia fiat,
  6. profectura aliquid tum tua verba putes.
  7. siquid aget maius, differ tua coepta caveque
  8. spem festinando praecipitare meam.
  9. nec rursus iubeo dum sit vacuissima quaeras:
  10. corporis ad curam vix vacat illa sui.
  11. omnia ...........
  12. per rerum turbam tu quoque oportet eas.
  13. cum tibi contigerit vultum Iunonis adire,
  14. fac sis personae, quam tueare, memor.
  15. nec factum defende meum; mala causa silenda est.
  16. nil nisi sollicitae sint tua verba preces,
  17. tum lacrimis demenda mora est, summissaque terra [*](terrae)
  18. ad non mortalis brachia tende pedes.
  19. tum pete nil aliud, saevo nisi ab hoste recedam;
  20. hostem Fortunam sit satis esse mihi.