Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. quae praestat virtute sua, ne prisca vetustas
  2. laude pudicitiae saecula nostra premat:
  3. quae Veneris formam, mores Iunonis habendo
  4. sola est caelesti digna reperta toro.
  5. quid trepidas et adire times? non impia Procne
  6. filiave Aeëtae voce movenda tua est,
  7. nec nurus Aegypti, nec saeva Agamemnonis uxor,
  8. Scyllaque, quae Siculas inguine terret aquas,
  9. Telegonive parens vertendis nata figuris,
  10. nexaque nodosas angue Medusa comas,
  11. femina sed princeps, in qua Fortuna videre
  12. se probat et caecae crimina falsa tulit:
  13. qua nihil in terris ad finem solis ab ortu
  14. clarius excepto Caesare mundus habet,