Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. vaticinor moneoque. locum date sacra ferenti!
  2. non mihi, sed magno noscitur ille deo.
  3. nec quia vel merui vel sensi principis iram,
  4. a nobis ipsum [*](ipsum illum) nolle putate coli.
  5. vidi ego linigerae [*](lanigerae) numen violasse fatentem
  6. Isidis Isiacos ante sedere focos,
  7. alter, ob huic similem privatus lumine culpam,
  8. clamabat media se meruisse via.
  9. talia caelestes fieri praeconia gaudent,
  10. ut sua quid valeant numina teste probent.
  11. saepe levant poenas ereptaque lumina reddunt,
  12. eum bene peccati paenituisse vident.
  13. paenitet, o! si quid miserorum creditur ulli,
  14. paenitet, et facto torqueor ipse meo.