Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. interea nostri quid agant, nisi triste, libelli?
  2. tibia funeribus convenit ista meis.
  3. at poteras inquis ‘melius mala ferre silendo,
  4. et tacitus casus dissimulare tuos.’
  5. exigis ut nulli gemitus tormenta sequantur,
  6. acceptaque gravi vulnere flere vetas?
  7. ipse Perilleo Phalaris permisit in aere
  8. edere mugitus et bovis ore queri.
  9. cum Priami lacrimis offensus non sit Achilles»,
  10. tu fletus inhibes, durior hoste, meos?