Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. utque facis, remis ad opem luctare ferendam,
  2. dum veniat placido mollior aura deo;
  3. et tutare caput nulli servabile, si non
  4. qui mersit Stygia sublevet illud aqua;
  5. teque, quod est rarum, praesta constanter ad omne
  6. indeclinatae munus amicitiae.
  7. sic tua processus habeat fortuna perennes,
  8. sic ope non egeas ipse iuvesque tuos,
  9. sic aequet tua nupta virum bonitate perenni,
  10. incidat et vestro nulla [*](nulla rara) querella toro;
  11. diligat et semper socius de sanguinis illo,
  12. quo pius affectu Castora frater amat;