Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. tuum! tu tamen agnoscis tactusque cupidine laudis,
  2. ille ego sum cuperes dicere posse palam,
  3. certe ego, si sineres, titulum tibi reddere vellem,
  4. et raram famae conciliare fidem.
  5. ne noceam grato vereor tibi carmine, neve
  6. intempestivus nominis obstet honor,
  7. quod licet (et [*](hoc) tutum est) intra tua pectora gaude
  8. meque tui memorem teque fuisse pium,
  9. utque facis, remis ad opem luctare ferendam,
  10. dum veniat placido mollior aura deo;
  11. et tutare caput nulli servabile, si non
  12. qui mersit Stygia sublevet illud aqua;
  13. teque, quod est rarum, praesta constanter ad omne
  14. indeclinatae munus amicitiae.