Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. causa superpositae scripto est testata coronae:
  2. servatos cives indicat huius ope.
  3. adice servatis unum, pater optime, civem,
  4. qui procul extremo pulsus in orbe latet,
  5. in quo poenarum, quas se meruisse fatetur,
  6. non facinus causam, sed suus error habet.
  7. me miserum! vereorque locum vereorque potentem,
  8. et quatitur trepido littera nostra metu.
  9. aspicis exsangui chartam pallere colore?
  10. aspicis alternos intremuisse pedes?
  11. quandocumque, precor, nostro placere parenti
  12. isdem et [*](et om. codd. add. Itali) sub dominis aspiciare domus!
  13. inde tenore pari gradibus sublimia celsis
  14. ducor ad intonsi candida templa dei,
  15. signa peregrinis ubi sunt alterna columnis,
  16. Belides et stricto barbarus ense pater,
  17. quaeque viri docto veteres cepere novique
  18. pectore, lecturis inspicienda patente
  19. quaerebam fratres, exceptis scilicet illis,
  20. quos suus optaret non genuisse pater.