Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. carmina fecerunt, ut me moresque notaret
  2. iam demi iussa [*](demum visa) Caesar ab Arte mea.
  3. deme mihi studium, vitae quoque crimina demes;
  4. acceptum refero versibus esse nocens.
  5. hoc pretium curae vigilatorumque laborum
  6. cepimus . ingenio est poena reperta meo.
  7. si saperem, doctas odissem iure sorores,
  8. numina cultori perniciosa suo.
  9. at nunc—tanta meo comes est insania morbo—
  10. saxa malum refero rursus ad ista [*](icta: ista σ ) pedem :
  11. scilicet ut victus repetit gladiator harenam,
  12. et redit in tumidas naufraga puppis aquas,
  13. forsitan ut quondam Teuthrantia regna tenenti,
  14. sic mihi res eadem vulnus opemque feret,
  15. Musaque, quam movit, motam quoque leniet iram;
  16. exorant magnos carmina saepe deos.
  17. ipse quoque Ausonias Caesar matresque nurusque
  18. carmina turrigerae dicere iussit Opi.
  19. iusserat et Phoebo dici, quo tempore ludos
  20. fecit, quos aetas aspicit una semel.