Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. falsus eris. signi causa canenda mihi.
  2. Iuppiter et lato qui regnat in aequore frater
  3. carpebant socias Mercuriusque vias.
  4. tempus erat, quo versa iugo referuntur aratra,
  5. et pronus saturae lac bibit agnus ovis.
  6. forte senex Hyrieus, angusti cultor agelli,
  7. hos videt, exiguam stabat ut ante casam;
  8. atque ita longa via est, nec tempora longa supersunt,
  9. dixit et hospitibus ianua nostra patet.
  10. addidit et voltum verbis iterumque rogavit:
  11. parent promissis dissimulantque deos.
  12. tecta senis subeunt nigro deformia fumo;
  13. ignis in hesterno stipite parvus erat.
  14. ipse genu nixus flammas exsuscitat aura
  15. et promit quassas comminuitque faces,
  16. stant calices; minor inde fabas, holus alter habebat,
  17. et spumat testu pressus uterque suo.
  18. dumque mora est, tremula dat vina rubentia dextra:
  19. accipit aequoreus pocula prima deus.
  20. quae simul exhausit, da nunc bibat ordine dixit