Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. urbs oritur (quis tunc hoc ulli credere posset?)
  2. victorem terris impositura pedem,
  3. cuncta regas et sis magno sub Caesare semper,
  4. saepe etiam pluris nominis huius habe;
  5. et quotiens steteris domito sublimis in orbe,
  6. omnia sint numeris inferiora tuis. [*](22. HN 23. A VIN — NP)
  7. Dicta Pales nobis, idem Vinalia dicam;
  8. una tamen media est inter utramque dies.
  9. numina volgares Veneris celebrate puellae:
  10. multa professarum quaestibus apta Venus,
  11. poscite ture dato formam populique favorem,
  12. poscite blanditias dignaque verba ioco,
  13. cumque sua dominae date grata sisymbria myrto
  14. tectaque composita iuncea vincla rosa.