Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. dicitur in Tuscae gurgite mersus aquae.
  2. iam tamen Agrippan natum Remulumque nepotem
  3. viderat: in Remulum fulmina missa ferunt,
  4. venit Aventinus post hos, locus unde vocatur,
  5. mons quoque, post illum tradita regna Procae.
  6. quem sequitur duri Numitor germanus Amuli.
  7. Ilia cum Lauso de Numitore sati.
  8. ense cadit patruo Lausus: placet Ilia Marti
  9. teque parit, gemino iuncte Quirine Remo.
  10. ille suos semper Venerem Martemque parentes
  11. dixit et emeruit vocis habere fidem;
  12. neve secuturi possent nescire nepotes,
  13. tempora dis generis continuata dedit,
  14. sed Veneris mensem Graio sermone notatum
  15. auguror: a spumis est dea dicta maris,
  16. nec tibi sit mirum Graeco rem nomine dici;
  17. Itala nam tellus Graecia maior erat.
  18. venerat Evander plena cum classe suorum:
  19. venerat Alcides, Graius uterque genus
  20. (hospes Aventinis armentum pavit in herbis