Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. carminis Euboici fatalia verba sacerdos
  2. inspicit; inspectum tale fuisse ferunt:
  3. ‘mater abest: matrem iubeo, Romane, requiras.
  4. cum veniet, casta est accipienda manu.
  5. ‘obscurae sortis patres ambagibus errant,
  6. quaeve parens absit, quove petenda loco.
  7. consulitur Paean,’ divum que arcessite Matrem,
  8. inquit in Idaeo est invenienda iugo.
  9. mittuntur proceres. Phrygiae tunc sceptra tenebat
  10. Attalus: Ausoniis rem negat ille viris,
  11. mira canam, longo tremuit cum murmure tellus,
  12. et sic est adytis diva locuta suis:
  13. ipsa peti volui, nec sit mora, mitte volentem.
  14. dignus Roma locus, quo deus omnis eat.’
  15. ille soni terrore pavens proficiscere, dixit
  16. nostra eris: in Phrygios Roma refertur avos.
  17. protinus innumerae caedunt pineta secures
  18. illa, quibus fugiens Phryx pius usus erat:
  19. mille manus coeunt, et picta coloribus ustis
  20. caelestum Matrem concava puppis habet,