Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. cymbala pro galeis, pro scutis tympana pulsant;
  2. tibia dat Phrygios, ut dedit ante, modos.”
  3. desierat. coepi: ‘cur huic genus acre leonum
  4. praebent insolitas ad iuga curva iubas?’
  5. desieram. coepit: ‘feritas mollita per illam
  6. creditur; id curru testificata suo est.’
  7. ‘at cur turrifera caput est onerata corona?
  8. an primis turres urbibus illa dedit?’
  9. annuit. unde venit dixi ‘sua membra secandi
  10. impetus?’ ut tacui, Pieris orsa loqui:
  11. ‘Phryx puer in silvis, facie spectabilis, Attis
  12. turrigeram casto vinxit amore deam.
  13. hunc sibi servari voluit, sua templa tueri,
  14. et dixit semper fac puer esse velis.