Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. sensit et opposita texit sua corpora myrto:
  2. tuta fuit facto vosque referre iubet.
  3. discite nunc, quare Fortunae tura Virili
  4. detis eo, calida qui locus umet aqua.
  5. accipit ille locus posito velamine cunctas
  6. et vitium nudi corporis omne videt;
  7. ut tegat hoc celetque viros, Fortuna Virilis
  8. praestat et hoc parvo ture rogata facit,
  9. nec pigeat tritum niveo cum lacte papaver
  10. sumere et expressis mella liquata favis;
  11. cum primum cupido Venus est deducta marito,
  12. hoc bibit: ex illo tempore nupta fuit.
  13. supplicibus verbis illam placate: sub illa
  14. et forma et mores et bona fama manet.