Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. et formosa Venus formoso tempore digna est,
  2. utque solet, Marti continuata suo est:
  3. vere monet curvas materna per aequora puppes
  4. ire nec hibernas iam timuisse minas.
    5. [*](1. CK. APRIL. NP)
  5. Rite deam colitis Latiae matresque nurusque
  6. et vos, quis vittae longaque vestis abest.
  7. aurea marmoreo redimicula demite collo,
  8. demite divitias: tota lavanda dea est.
  9. aurea siccato redimicula reddite collo:
  10. nunc alii flores, nunc nova danda rosa est.
  11. vos quoque sub viridi myrto iubet ipsa lavari:
  12. causaque, cur iubeat (discite!), certa subest
  13. litore siccabat rorantes nuda capillos:
  14. viderunt satyri, turba proterva, deam.