Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. nec toto perstare die sua iura putaris:
  2. qui iam fastus erit, mane nefastus erat;
  3. nam simul exta deo data sunt, licet omnia fari,
  4. verbaque honoratus libera praetor habet,
  5. est quoque, quo populum ius est includere saeptis:
  6. est quoque, qui nono semper ab orbe redit.
  7. vindicat Ausonias Iunonis cura Kalendas,
  8. Idibus alba Iovi grandior agna cadit;
  9. Nonarum tutela deo caret, omnibus istis
  10. (ne fallare cave!) proximus ater erit.
  11. omen ab eventu est, illis nam Roma diebus
  12. damna sub averso tristia Marte tulit,
  13. haec mihi dicta semel, totis haerentia fastis,
  14. ne seriem rerum scindere cogar, erunt.
    15. [*](1. A — K — IAN — F)
  15. Ecce tibi faustum, Germanice, nuntiat annum
  16. inque meo primus carmine Ianus adest.
  17. Iane biceps, anni tacite labentis origo,
  18. solus de superis qui tua terga vides,
  19. dexter ades ducibus, quorum secura labore
  20. otia terra ferax, otia pontus habet: