Ars Amatoria

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Est deus in nobis, et sunt commercia caeli:
  2. Sedibus aetheriis spiritus ille venit.
  3. A doctis pretium scelus est sperare poetis;
  4. Me miserum! scelus hoc nulla puella timet.
  5. Dissimulate tamen, nec prima fronte rapaces
  6. Este: novus viso casse resistet amans.
  7. Sed neque vector equum, qui nuper sensit habenas,
  8. Comparibus frenis artificemque reget,
  9. Nec stabiles animos annis viridemque iuventam
  10. Ut capias, idem limes agendus erit.
  11. Hic rudis et castris nunc primum notus Amoris,
  12. Qui tetigit thalamos praeda novella tuos,