Ars Amatoria

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Seu iacies talos, victam ne poena sequatur,
  2. Damnosi facito stent tibi saepe canes:
  3. Sive latrocinii sub imagine calculus ibit,
  4. Fac pereat vitreo miles ab hoste tuus.
  5. Ipse tene distenta suis umbracula virgis,
  6. Ipse fac in turba, qua venit illa, locum.
  7. Nec dubita tereti scamnum producere lecto,
  8. Et tenero soleam deme vel adde pedi.
  9. Saepe etiam dominae, quamvis horrebis et ipse,
  10. Algenti manus est calfacienda sinu.
  11. Nec tibi turpe puta (quamvis sit turpe, placebit),
  12. Ingenua speculum sustinuisse manu.