Ars Amatoria

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. At quae cum posset cogi, non tacta recessit,
  2. Ut simulet vultu gaudia, tristis erit.
  3. Vim passa est Phoebe: vis est allata sorori;
  4. Et gratus raptae raptor uterque fuit.
  5. Fabula nota quidem, sed non indigna referri,
  6. Scyrias Haemonio iuncta puella viro.
  7. Iam dea laudatae dederat mala praemia formae
  8. Colle sub Idaeo vincere digna duas:
  9. Iam nurus ad Priamum diverso venerat orbe,
  10. Graiaque in Iliacis moenibus uxor erat:
  11. Iurabant omnes in laesi verba mariti:
  12. Nam dolor unius publica causa fuit.