Epistulae

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Tempore quo nobis inita est Cerealis Eleusin,
  2. Gnosia me vellem detinuisset humus!
  3. Tunc mihi praecipue (nec non tamen ante placebas)
  4. Acer in extremis ossibus haesit amor.
  5. Candida vestis erat, praecincti flore capilli,
  6. Flava verecundus tinxerat ora rubor,
  7. Quemque vocant aliae vultum rigidumque trucemque,
  8. Pro rigido Phaedra iudice fortis erat.
  9. Sint procul a nobis iuvenes ut femina compti! —
  10. Fine coli modico forma virilis amat.
  11. Te tuus iste rigor positique sine arte capilli
  12. Et levis egregio pulvis in ore decet.
  13. Sive ferocis equi luctantia colla recurvas,
  14. Exiguo flexos miror in orbe pedes;
  15. Seu lentum valido torques hastile lacerto,
  16. Ora ferox in se versa lacertus habet,