Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Scripta leget secum — matrem misisse putato!
  2. Venerit ignotus — postmodo notus erit.
  3. Ibit ad adfectam, quae non languebit, amicam:
  4. Visat! iudiciis aegra sit illa tuis.
  5. Si faciet tarde, ne te mora longa fatiget,
  6. Inposita gremio stertere fronte potes.
  7. Nec tu, linigeram fieri quid possit ad Isim,
  8. Quaesieris nec tu curva theatra time!
  9. Conscius adsiduos commissi tollet honores —
  10. Quis minor est autem quam tacuisse labor?