Ars Poetica

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. quae canerent agerentque peruncti faecibus ora.
  2. post hunc personae pallaeque repertor honestae
  3. Aeschylus et modicis instravit pulpita tignis
  4. et docuit magnumque loqui nitique cothurno.
  5. successit vetus his comoedia, non sine multa
  6. laude; sed in vitium libertas excidit et vim
  7. dignam lege regi: lex est accepta chorusque
  8. turpiter obticuit sublato iure nocendi.
  9. nil intemptatum nostri liquere poetae
  10. nec minimum meruere decus vestigia Graeca
  11. ausi deserere et celebrare domestica facta
  12. vel qui praetextas vel qui docuere togatas.