Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. longe dissimilem noto celantia sucum,
  2. ut vel continuo patuit, cum passeris atque
  3. ingustata mihi porrexerit ilia rhombi.
  4. post hoc me docuit melimela rubere minorem
  5. ad lunam delecta. quid hoc intersit, ab ipso
  6. audieris melius. tum Vibidius Balatroni
  7. “nos nisi damnose bibimus, moriemur inulti,”
  8. et calices poscit maiores. vertere pallor
  9. tum parochi faciem nil sic metuentis ut acris
  10. potores, vel quod maledicunt liberius vel
  11. fervida quod subtile exsurdant vina palatum.
  12. invertunt Allifanis vinaria tota
  13. Vibidius Balatroque secutis omnibus: imi
  14. convivae lecti nihilum nocuere lagoenis.
  15. adfertur squillas inter murena natantis
  16. in patina porrecta. sub hoc erus “haec gravida” inquit
  17. “capta est, deterior post partum carne futura.