Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. convivam: “nemon’ oleum fert ocius? ecquis
  2. audit?” cum magno blateras clamore fugisque.
  3. Mulvius et scurrae, tibi non referenda precati,
  4. discedunt. “etenim fateor me” dixerit ille
  5. “duci ventre levem, nasum nidore supinor,
  6. inbecillus, iners, siquid vis, adde, popino.
  7. tu cum sis quod ego et fortassis nequior, ultro
  8. insectere velut melior verbisque decoris
  9. obvolvas vitium?” quid, si me stultior ipso
  10. quingentis empto drachmis deprenderis? aufer
  11. me voltu terrere; manum stomachumque teneto,
  12. dum quae Crispini docuit me ianitor edo.
  13. te coniunx aliena capit, meretricula Davum:
  14. peccat uter nostrum cruce dignius? acris ubi me
  15. natura intendit, sub clara nuda lucerna