Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. quod nusquam tibi sit potandum. iusserit ad se
  2. Maecenas serum sub lumina prima venire
  3. convivam: “nemon’ oleum fert ocius? ecquis
  4. audit?” cum magno blateras clamore fugisque.
  5. Mulvius et scurrae, tibi non referenda precati,
  6. discedunt. “etenim fateor me” dixerit ille
  7. “duci ventre levem, nasum nidore supinor,
  8. inbecillus, iners, siquid vis, adde, popino.
  9. tu cum sis quod ego et fortassis nequior, ultro
  10. insectere velut melior verbisque decoris
  11. obvolvas vitium?” quid, si me stultior ipso
  12. quingentis empto drachmis deprenderis? aufer
  13. me voltu terrere; manum stomachumque teneto,