Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. vinctus eas, ita te felicem dicis amasque,
  2. quod nusquam tibi sit potandum. iusserit ad se
  3. Maecenas serum sub lumina prima venire
  4. convivam: “nemon’ oleum fert ocius? ecquis
  5. audit?” cum magno blateras clamore fugisque.
  6. Mulvius et scurrae, tibi non referenda precati,
  7. discedunt. “etenim fateor me” dixerit ille
  8. “duci ventre levem, nasum nidore supinor,
  9. inbecillus, iners, siquid vis, adde, popino.
  10. tu cum sis quod ego et fortassis nequior, ultro
  11. insectere velut melior verbisque decoris
  12. obvolvas vitium?” quid, si me stultior ipso
  13. quingentis empto drachmis deprenderis? aufer
  14. me voltu terrere; manum stomachumque teneto,
  15. dum quae Crispini docuit me ianitor edo.
  16. te coniunx aliena capit, meretricula Davum:
  17. peccat uter nostrum cruce dignius? acris ubi me
  18. natura intendit, sub clara nuda lucerna
  19. quaecumque excepit turgentis verbera caudae
  20. clunibus aut agitavit equum lasciva supinum,