Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. matutine pater, seu Iane libentius audis,
  2. unde homines operum primos vitaeque labores
  3. instituunt — sic Dis placitum —, tu carminis esto
  4. principium. Romae sponsorem me rapis: ‘eia,
  5. ne prior officio quisquam respondeat, urge.’
  6. sive aquilo radit terras seu bruma nivalem
  7. interiore diem gyro trahit, ire necesse est.
  8. postmodo quod mi obsit clare certumque locuto
  9. luctandum in turba et facienda iniuria tardis.
  10. ‘quid tibi vis, insane?’ et ‘quam rem agis?’ inprobus urget
  11. iratis precibus, ‘tu pulses omne quod obstat,
  12. ad Maecenatem memori si mente recurras.’
  13. hoc iuvat et melli est, non mentiar. at simul atras
  14. ventum est Esquilias, aliena negotia centum
  15. per caput et circa saliunt latus. ‘ante secundam
  16. Roscius orabat sibi adesses ad Puteal cras.’
  17. ‘de re communi scribae magna atque nova te
  18. orabant hodie meminisses, Quinte, reverti.’