Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. postquam est inpransi correptus voce magistri?
  2. porrigis irato puero cum poma, recusat;
  3. ‘sume, Catelle’: negat; si non des, optet. amator
  4. exclusus qui distat, agit ubi secum, eat an non,
  5. quo rediturus erat non arcessitus, et haeret
  6. invisis foribus? ‘nec nunc, cum me vocet ultro,
  7. accedam? an potius mediter finire dolores?
  8. exclusit; revocat: redeam? non, si obsecret.’ ecce
  9. servus, non paulo sapientior ‘o ere, quae res
  10. nec modum habet neque consilium, ratione modoque
  11. tractari non volt. in amore haec sunt mala, bellum,
  12. pax rursum: haec siquis tempestatis prope ritu
  13. mobilia et caeca fluitantia sorte laboret
  14. reddere certa sibi, nihilo plus explicet ac si
  15. insanire paret certa ratione modoque.’
  16. quid? cum Picenis excerpens semina pomis