Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. ‘consule.’ cur Aiax, heros ab Achille secundus,
  2. putescit, totiens servatis clarus achivis,
  3. gaudeat ut populus Priami Priamusque inhumato,
  4. per quem tot iuvenes patrio caruere sepulcro?
  5. ‘mille ovium insanus morti dedit, inclitum Ulixen
  6. et Menelaum una mecum se occidere clamans.’
  7. tu cum pro vitula statuis dulcem Aulide natam
  8. ante aras spargisque mola caput, inprobe, salsa,
  9. rectum animi servas? ‘quorsum?’ insanus quid enim Aiax
  10. fecit? cum stravit ferro pecus, abstinuit vim
  11. uxore et gnato; mala multa precatus atridis
  12. non ille aut Teucrum aut ipsum violavit Ulixen.
  13. ‘verum ego, ut haerentis adverso litore navis
  14. eriperem, prudens placavi sanguine Divos.’
  15. nempe tuo, furiose? ‘meo, sed non furiosus.’
  16. qui species alias veris scelerisque tumultu