Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. agmina nec fracta pereuntis cuspide Gallos
  2. aut labentis equo describit volnera Parthi.’
  3. ‘attamen et iustum poteras et scribere fortem,
  4. Scipiadam ut sapiens Lucilius.’ ‘haud mihi dero,
  5. cum res ipsa feret: nisi dextro tempore, Flacci,
  6. verba per attentam non ibunt Caesaris aurem:
  7. cui male si palpere, recalcitrat undique tutus.’
  8. ‘quanto rectius hoc quam tristi laedere versu
  9. Pantolabum scurram Nomentanumque nepotem,
  10. cum sibi quisque timet, quamquam est intactus, et odit.’
  11. ‘quid faciam? saltat Milonius, ut semel icto
  12. accessit fervor capiti numerusque lucernis;
  13. Castor gaudet equis, ovo prognatus eodem
  14. pugnis; quot capitum vivunt, totidem studiorum
  15. milia: me pedibus delectat claudere verba
  16. Lucili ritu, nostrum melioris utroque.
  17. ille velut fidis arcana sodalibus olim
  18. credebat libris neque, si male cesserat, usquam
  19. decurrens alio neque, si bene; quo fit ut omnis
  20. votiva pateat veluti descripta tabella