Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. olim quae scripsit Lucilius, eripias si
  2. tempora certa modosque, et quod prius ordine verbum est
  3. posterius facias praeponens ultima primis,
  4. non, ut si solvas ‘postquam discordia taetra
  5. belli ferratos postis portasque refregit’,
  6. invenias etiam disiecti membra poetae.
  7. hactenus haec: alias, iustum sit necne poema.
  8. nunc illud tantum quaeram, meritone tibi sit
  9. suspectum genus hoc scribendi. Sulcius acer
  10. ambulat et Caprius, rauci male cumque libellis,
  11. magnus uterque timor latronibus; at bene siquis
  12. et vivat puris manibus, contemnat utrumque.