Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. desine matronas sectarier, unde laboris
  2. plus haurire mali est quam ex re decerpere fructus.
  3. nec magis huic, inter niveos viridisque lapillos
  4. sit licet, hoc, Cerinthe, tuum tenerum est femur aut crus
  5. rectius, atque etiam melius persaepe togatae.
  6. adde huc, quod mercem sine fucis gestat, aperte
  7. quod venale habet ostendit nec, siquid honesti est,
  8. iactat habetque palam, quaerit, quo turpia celet.
  9. regibus hic mos est, ubi equos mercantur: opertos
  10. inspiciunt, ne si facies, ut saepe, decora
  11. molli fulta pede est, emptorem inducat hiantem,
  12. quod pulcrae clunes, breve quod caput, ardua cervix.
  13. hoc illi recte: ne corporis optima Lyncei
  14. contemplere oculis, Hypsaea caecior illa,
  15. quae mala sunt, spectes. ‘o crus, o bracchia.’ verum
  16. depygis, nasuta, brevi latere ac pede longo est.
  17. matronae praeter faciem nil cernere possis,
  18. cetera, ni Catia est, demissa veste tegentis.
  19. si interdicta petes, vallo circumdata — nam te
  20. hoc facit insanum — , multae tibi tum officient res,