Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. et uncta turpis ova ranae Sanguine
  2. plumamque nocturnae strigis
  3. herbasque, quas Iolcos atque Hiberia
  4. mittit venenorum ferax,
  5. et ossa ab ore rapta ieiunae canis
  6. flammis aduri Colchicis.
  7. at expedita Sagana, per totam domum
  8. spargens Avernalis aquas,
  9. horret capillis ut marinus asperis
  10. echinus aut Laurens aper.
  11. abacta nulla Veia conscientia
  12. ligonibus duris humum
  13. exhauriebat, ingemens laboribus,
  14. quo posset infossus puer
  15. longo die bis terque mutatae dapis
  16. inemori spectaculo,
  17. cum promineret ore, quantum exstant aqua
  18. suspensa mento corpora;
  19. exsucta uti medulla et aridum iecur
  20. amoris esset poculum,