Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. contra latrones atque servilem manum
  2. hoc, hoc tribuno militum?”
  1. “At o deorum quidquid in caelo regit
  2. terras et humanum genus,
  3. quid iste fert tumultus aut quid omnium
  4. voltus in unum me truces?
  5. per liberos te, si vocata partubus
  6. Lucina veris adfuit,
  7. per hoc inane purpurae decus precor,
  8. per inprobaturum haec Iovem,
  9. quid ut noverca me intueris aut uti
  10. petita ferro belua?”
  11. ut haec trementi questus ore constitit
  12. insignibus raptis puer,
  13. inpube corpus, quale posset inpia
  14. mollire Thracum pectora:
  15. Canidia, brevibus illigata viperis
  16. crinis et incomptum caput,
  17. iubet sepulcris caprificos erutas,
  18. iubet cupressos funebris