Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. non huc Sidonii torserunt cornua nautae,
  2. laboriosa nec cohors Vlixei.
  3. nulla nocent pecori contagia, nullius astri
  4. gregem aestuosa torret impotentia.
  5. Iuppiter illa piae secrevit litora genti,
  6. ut inquinavit aere tempus aureum,
  7. aere, dehinc ferro duravit saecula, quorum
  8. piis secunda vate me datur fuga.
  1. “Iam iam efficaci do manus scientiae,
  2. supplex et oro regna per Proserpinae,
  3. per et Dianae non movenda numina,
  4. per atque libros carminum valentium
  5. refixa caelo devocare sidera,
  6. Canidia: parce vocibus tandem sacris
  7. citumque retro solve, solve turbinem.
  8. movit nepotem Telephus Nereium,