Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. reddit ubi cererem tellus inarata quotannis
  2. et inputata floret usque vinea,
  3. germinat et numquam fallentis termes olivae
  4. suamque pulla ficus ornat arborem,
  5. mella cava manant ex ilice, montibus altis
  6. levis crepante lympha desilit pede.
  7. illic iniussae veniunt ad mulctra capellae
  8. refertque tenta grex amicus ubera
  9. nec vespertinus circumgemit ursus ovile
  10. nec intumescit alta viperis humus;
  11. pluraque felices mirabimur, ut neque largis
  12. aquosus Eurus arva radat imbribus,
  13. pinguia nec siccis urantur semina glaebis,
  14. utrumque rege temperante caelitum.
  15. non huc Argoo contendit remige pinus
  16. neque inpudica Colchis intulit pedem,