Res Rustica
Columella, Lucius Junius Moderatus
Columella. On agriculture, Volume 1-2. Ash, Harrison Boyd; Foster, Edward Seymour; Heffner, Edward H., editors. Cambridge, MA; London: Harvard University Press; William Heinemann, Ltd., 1941.
sole illitum maxime prodest. Ulceribus gallae tritae remedio sunt; nec minus succus marrubii cum fuligine. Est et infesta pestis bubulo pecori, coriaginem rustici appellant, cum pellis ita tergori adhaeret, ut apprehensa manibus diduci a costis non possit. Ea res non aliter accidit,[*]()quam si bos aut ex languore aliquo ad maciem perductus est, aut sudans in opere faciendo refrixit, aut si sub onere pluvia madefactus est.
Quae quoniam perniciosa sunt, custodiendum est, ut cum ab opere boves redierint [*]()adhuc aestu-antes anhelantesque, vino aspergantur, et offae adipis faucibus eorum inserantur. Quod si praedictum vitium inhaeserit, proderit [*]()decoquere laurum, et ea [*](defricta S: defricto AR. ) [*](cunicula bubula S: cuniculabula AR. ) [*](aqua SAR. ) [*](cantendcnte SAR. ) [*](accedit SAR. ) [*](redidcrint SA: redierint ac. ) [*](proderit S2c: prodiderit S1AR. )