Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Nursia, et Hortinae classes populique Latini,
  2. quosque secans infaustum interluit Allia nomen:
  3. quam multi Libyco volvuntur marmore fluctus
  4. saevus ubi Orion hibernis conditur undis;
  5. vel cum sole novo densae torrentur aristae
  6. aut Hermi campo aut Lyciae flaventibus arvis.
  7. Scuta sonant pulsuque pedum conterrita tellus.
  8. Hinc Agamemnonius, Troiani nominis hostis,
  9. curru iungit Halaesus equos Turnoque ferocis
  10. mille rapit populos, vertunt felicia Baccho
  11. Massica qui rastris et quos de collibus altis
  12. Aurunci misere patres, Sidicinaque iuxta
  13. aequora quique Cales linquunt, amnisque vadosi
  14. accola Volturni, pariterque Saticulus asper
  15. Oscorumque manus. Teretes sunt aclydes illis
  16. tela, sed haec lento mos est aptare flagello;
  17. laevas caetra tegit, falcati comminus enses.