Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. dic in amicitiam coeant et foedera iungant.
  2. Quando quidem Ausonio respersi sanguine Teucros,
  3. hoc etiam his addam, tua si mihi certa voluntas:
  4. finitimas in bella feram rumoribus urbes
  5. accendamque animos insani Martis amore,
  6. undique ut auxilio veniunt; spargam arma per agros.
  7. Tum contra Iuno; Terrorum et fraudis abunde est;
  8. stant belli causae, pugnatur comminus armis,
  9. quae fors prima dedit sanguis novus imbuit arma.
  10. Talia coniugia et talis celebrent hymenaeos
  11. egregium Veneris genus et rex ipse Latinus.
  12. Te super aetherias errare licentius auras
  13. haud pater ille velit, summi regnator Olympi:
  14. cede locis; ego, siqua super fortuna laborum est,
  15. ipsa regam. Talis dederat Saturnia voces.
  16. Illa autem attollit stridentis anguibus alas
  17. Cocytique petit sedem, supera ardua linquens.