Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. iam medium, necdum fluctus latera ardua tinxit.
  2. Nos procul inde fugam trepidi celerare, recepto
  3. supplice sic merito, tacitique incidere funem;
  4. vertimus et proni certantibus aequora remis.
  5. Sensit, et ad sonitum vocis vestigia torsit;
  6. verum ubi nulla datur dextra adfectare potestas,
  7. nec potis Ionios fluctus aequare sequendo,
  8. clamorem immensum tollit, quo pontus et omnes
  9. contremuere undae, penitusque exterrita tellus
  10. Italiae, curvisque immugiit Aetna cavernis.
  11. At genus e silvis Cyclopum et montibus altis
  12. excitum ruit ad portus et litora complent.
  13. Cernimus adstantis nequiquam lumine torvo
  14. Aetnaeos fratres, caelo capita alta ferentis,
  15. concilium horrendum: quales cum vertice celso
  16. aeriae quercus, aut coniferae cyparissi
  17. constiterunt, silva alta Iovis, lucusve Dianae.
  18. Praecipites metus acer agit quocumque rudentis