Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Deseruere omnes defessi, et corpora saltu
  2. ad terram misere aut ignibus aegra dedere.
  3. Iamque adeo super unus eram, cum limina Vestae
  4. servantem et tacitam secreta in sede latentem
  5. Tyndarida aspicio: dant clara incendia lucem
  6. erranti passimque oculos per cuncta ferenti.
  7. Illa sibi infestos eversa ob Pergama Teucros
  8. et poenas Danaum et deserti coniugis iras
  9. praemetuens, Troiae et patriae communis Erinys,
  10. abdiderat sese atque aris invisa sedebat.
  11. Exarsere ignes animo; subit ira cadentem
  12. ulcisci patriam et sceleratas sumere poenas.
  13. Scilicet haec Spartam incolumis patriasque Mycenas
  14. aspiciet, partoque ibit regina triumpho,
  15. coniugiumque, domumque, patres, natosque videbit,
  16. Iliadum turba et Phrygiis comitata ministris?
  17. Occiderit ferro Priamus, Troia arserit igni?
  18. Dardanium totiens sudarit sanguine litus?
  19. Non ita: namque etsi nullum memorabile nomen
  20. feminea in poena est, nec habet victoria laudem,