Georgics

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. Bacchus amat collis, aquilonem et frigora taxi.
  2. Aspice et extremis domitum cultoribus orbem
  3. Eoasque domos Arabum pictosque Gelonos:
  4. divisae arboribus patriae. Sola India nigrum
  5. fert ebenum, solis est turea virga Sabaeis.
  6. Quid tibi odorato referam sudantia ligno
  7. balsamaque et bacas semper frondentis acanthi?
  8. Quid nemora Aethiopum molli canentia lana,
  9. velleraque ut foliis depectant tenuia Seres;
  10. aut quos Oceano propior gerit India lucos,
  11. extremi sinus orbis, ubi aera vincere summum
  12. arboris haud ullae iactu potuere sagittae?
  13. Et gens illa quidem sumptis non tarda pharetris.
  14. Media fert tristis sucos tardumque saporem