Elegiae

Tibullus

Tibullus. Aliorumque carminum libri tres. Postgate, J. P. (John Percival), editor. Oxford: Scriptorum classicorum bibliotheca Oxoniensis, 1915.

  1. usque cano Nemesim, sine qua uersus mihi nullus
  2. uerba potest iustos aut reperire pedes.
  3. at tu, nam diuum seruat tutela poetas,
  4. praemoneo, uati parce, puella, sacro,
  5. ut Messalinum celebrem, cum praemia belli
  6. ante suos currus oppida uicta feret,
  7. ipse gerens laurus: lauro deuinctus agresti
  8. miles io magna uoce triumphe canet.
  9. tunc Messalla meus pia det spectacula turbae
  10. et plaudat curru praetereunte pater.
  11. adnue: sic tibi sint intonsi, Phoebe, capilli,
  12. sic tua perpetuo sit tibi casta soror.
  1. Castra Macer sequitur: tenero quid fiet Amori?
  2. sit comes et collo fortiter arma gerat?
  3. et seu longa uirum terrae uia seu uaga ducent
  4. aequora, cum telis ad latus ire uolet?
  5. ure, puer, quaeso, tua qui ferus otia liquit,
  6. atque iterum erronem sub tua signa uoca.