Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. populus et longis ornabat frondibus aedem,
  2. multaque cantantis umbra tegebat auis.
  3. huc ruit in siccam congesta puluere barbam,
  4. et iacit ante fores uerba minora deo:
  5. ‘uos precor, o luci sacro quae luditis antro,
  6. pandite defessis hospita fana uiris.
  7. fontis egens erro circaque sonantia lymphis;
  8. et caua succepto flumine palma sat est.
  9. audistisne aliquem, tergo qui sustulit orbem?
  10. ille ego sum: Alciden terra recepta uocat.
  11. quis facta Herculeae non audit fortia clauae
  12. et numquam ad uastas irrita tela feras,
  13. atque uni Stygias homini luxisse tenebras?
  14. accipit: haec fesso uix mihi terra patet.