Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Maenalio iacuit pulsus tria tempora ramo
  2. Cacus, et Alcides sic ait: ‘ite, boues,
  3. Herculis ite boues, nostrae labor ultime clauae,
  4. bis mihi quaesitae, bis mea praeda, boues,
  5. aruaque mugitu sancite Bouaria longo:
  6. nobile erit Romae pascua uestra Forum.’
  7. dixerat, et sicco torquet sitis ora palato,
  8. terraque non ullas feta ministrat aquas.
  9. sed procul inclusas audit ridere puellas,
  10. lucus ubi umbroso fecerat orbe nemus,
  11. femineae loca clausa deae fontesque piandos
  12. impune et nullis sacra retecta uiris.
  13. deuia puniceae uelabant limina uittae,
  14. putris odorato luxerat igne casa,