Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. deuia puniceae uelabant limina uittae,
  2. putris odorato luxerat igne casa,
  3. populus et longis ornabat frondibus aedem,
  4. multaque cantantis umbra tegebat auis.
  5. huc ruit in siccam congesta puluere barbam,
  6. et iacit ante fores uerba minora deo:
  7. ‘uos precor, o luci sacro quae luditis antro,
  8. pandite defessis hospita fana uiris.